I.D., 35 vjeçar dhe M.Q., 27 vjeçar janë arrestuar të martën si të dyshuar për grabitjen e 1,000 eurove në një market në Ferizaj.
Sipas Policisë me urdhër të gjykatësit është kryer bastisja e banesës të tyre ku janë siguruar prova që lidhen me rastin.
Ndërsa pas intervistimit me vendim të prokurorit të shtetit thuhet se të dyshuarit janë ndaluar për 48 orë, në pritje të procedurave të mëtejshme hetimore.
“Me datën 03.03.2025, rreth orës 18:25, policia ka pranuar një informatë për një grabitje të armatosur në një market në rrugën “Astrit Bytyqi” në Ferizaj. Menjëherë, në vendngjarje kanë dalë patrullat policore, hetuesit e stacionit policor të Ferizajt, hetuesit rajonalë dhe krimteknikët, për të kryer hetimet dhe ekzaminimet e nevojshme. Nga deklarata e ankueses (punëtores së marketit) dhe shqyrtimi i pamjeve nga kamerat e sigurisë, është konstatuar se dy persona të maskuar, nën kërcënimin e armës, kanë hyrë në market dhe kanë marrë një shumë të parave, rreth 1,000 euro.Falë një pune intensive hetimore në terren, me datën 04.03.2025 hetuesit rajonalë kanë arritur të identifikojnë dhe arrestojnë dy të dyshuarit : I.D., 35 vjeç, M.Q., 27 vjeç. Me urdhër të gjykatësit, është kryer bastisja e banesës të tyre, ku janë siguruar prova që lidhen me rastin. Pas intervistimit, me vendim të prokurorit të shtetit, të dyshuarit janë ndaluar për 48 orë, në pritje të procedurave të mëtejshme hetimore. Policia e Rajonale e Ferizajt mbetet e përkushtuar për të garantuar sigurinë e qytetarëve dhe për të parandaluar veprimet kriminale.”, thuhet në njoftim.
Dy persona të armatosur grabisin 1000 euro në një market në Ferizaj
