Grupi parlamentar i AAK-së do të organizojë sot një tryezë diskutimi për sigurinë, pas sulmeve në veri të vendit.
Sipas njoftimit, ky diskutim do mbahet në Kuvendin e Kosovës duke filluar nga ora 11:00, përcjell teve1.info
Më 24 shtator, Policia e Kosovës u sulmua nga një grup kriminelësh serbë në Banjskë të Zveçanit, me ç’rast mbeti i vdekur rreshteri Afrim Bunjaku.
Ministri i Punëve të Brendshme, Xhelal Sveçla ka njoftuar dje se do të paraqes dëshmi të reja që tregojnë se në sulm janë përfshirë presidenti i Serbisë, Aleksandar Vuçiq, ministri i Mbrojtjes së Serbisë dhe shefi i komandës së ushtrisë së Serbisë.
Siç ka bërë të ditur ai, përgatitjet e sulmit janë bërë në bazën e trajnimeve ushtarake që gjendet afër Kopaunikut.
Sulmet ndaj Policisë së Kosovës janë dënuar nga Shtetet e Bashkuara dhe Bashkimi Evropian dhe është bërë thirrje që fajtorët të sillen para drejtësisë. /Teve1.info/
