Deputeti i VV-së, Ardian Gola e ka komentuar një deklaratë të liderit të AAK-së, Ramush Haradinaj, i cili mbrëmë tha se “Ne momentin kur perdorim force ndaj komuniteteve tona, e humbim argumentin”.
Gola ka shkruar se përballja e policisë së Kosovës me bandat kriminale të Beogradit, po interpretohet nga Haradinaj si përdorim i forcës ndaj komunitetit serb.
“Nderkohe e verteta cullak lidhur me serbet e Kosoves eshte se liria dhe demokracia, qe po na i permend z.Haradinaj, e serbeve eshte e cenuar vetem dhe vetem nga Beogradi zyrtar permes instrumentit politik qe ia ka garantuar dialogu i derivonshem me Serbine, pra Listes Serbe si dhe organizimeve kriminale, te cilat i aktivizon sipas nevojes ne terren, e te cilat z. Haradinajt dhe fatkeqesisht jo vetem atij, i duken si protestues te komunitetit serb”, ka shkruar Gola.
Sipas tij një vlerësim gjuhësisht i pavëmendshëm i situatës nga politikanët tanë, mund të përdoret nga Vuçiqi për ta fuqizuar propagandën e tij.
“E per me keq, kjo i vendos ne situate te ndieshme edhe miqte tane. Prandaj, nje pjese te arsyeve pse presioni ne raport me Kosoven per ceshtjen e veriut eshte krejtesisht i pabalancuar e gjej edhe te kjo retorike e pavemendshme politike”, ka shkruar Gola.
