Kandidati i Lëvizjes Vetëvendosje për kryetar të Komunës së Gjakovës, Ardian Gola, ka komentuar projektin e rrugës Gjakovë-Dollc gjatë pjesëmarrjes së tij në emisionin “Këndi i Debatit” në Tëvë1, duke e cilësuar atë si një nga dështimet më të mëdha infrastrukturore në komunë.
“Disa projekte, kur nisin mbrapsht, është shumë e vështirë t’i kthesh në drejtimin e duhur. Ai projekt seriozisht ka filluar mbrapsht dhe ka qenë, e vazhdon të jetë, shumë e vështirë për t’u kthyer në rrugën e duhur. Është buxhetuar pa seriozitet të plotë – madje edhe vetë buxhetimi kur është bërë, është bërë përgjysmë. Ka qenë një projekt elektoral dhe sot ndodhet në një gjendje të tmerrshme,” deklaroi Gola.
Ai kritikoi edhe vonesat në lidhje me lidhjen rrugore të Gjakovës me Prishtinën, duke theksuar se problemi nuk është te mungesa e vullnetit nga niveli lokal.
“Po të më kishin lënë hyrjen dhe daljen nga Prishtina për në Gjakovë, unë do ta kisha kryer moti. Por tash e ka në dorë Qeveria. Sidoqoftë, nuk ka ndodhur ashtu, sepse kanë dështuar ta përfundojnë pjesën nga LG Buanri dhe rrugën ‘X’ duke nisut tutje me rrugen tjeter e plus tash a pet e merr Qeveria në dorë për me kry,” shtoi ai.
Gola e konsideroi infrastrukturën rrugore si thelbësore për zhvillimin e Gjakovës, por theksoi se pa një menaxhim të duhur dhe me plane të qarta, projektet nuk sjellin përfitime reale për qytetarët.
