Politologu, Ejup Gojnovci ka thënë se bazuar në gjuhën mes subjekteve politike, ka pak gjasa që të arrihet një marrëveshje për presidentin.
Ai ka thënë se seanca e së enjtes tregoj se partitë janë larg dhe se tashmë kanë filluar një fushatë.
Gojnovci në emisionin “InfoNata” në Tëvë1 ka thënë se nëse partitë politike po të shohin interesin nacional do të arrin marrëveshje.
“Jemi në fushatë që nga dita e parë e zgjedhje të 28 dhjetorit. Dhe spo hiqemi prej fushatës që nga zgjedhjet e shkurtit të vitit të kaluar, dhe tani prapë për shkak të presidentes jemi në situatë parafushate. Dhe kjo po tregohet nga vokabulari i partive politike, që në vetvete nuk tregon se jemi vetëm në një fushatë, por tregon se nuk ka as sinjale, as shpresë të madhe që do të kemi një zgjidhje për presidentin, sado që unë besoj se do të gjendej një zgjidhje po të shihej më pak gjakftohtësi dhe me interes nacional”, ka thënë ai.
Gojnovci ka thënë se “subjektet politike opozitare duket se janë më të gatshme të shkojnë në zgjedhje edhe një herë”.
Por, sipas tij zgjedhjet nuk do të sjellin ndryshime të mëdha në rezultatin e partive politike.
