Prokuroria Themelore në Gjilan ka ndaluar për 48 orë të dyshuarin që goditi për vdekje këmbësorin në Gjilan, duke shkaktuar aksident me fatalitet.
Në njoftim thuhet, se E.O. të enjten në orët e mbrëmjes gjatë drejtimit të automjetit nuk ka respektuar këmbësorin, SH.S. i cili ishte duke kaluar rrugen në vendkalimin e këmbësorëve dhe e ka goditur atë me pjesën e parë të automjetit, duke i shkaktuar lëndime të rënda trupore.
“Dyshohet se i pandehuri E.O., më 15 Gusht 2024, rreth orës 20:00, në Gjilan, ka shkaktuar aksident trafiku me fatalitet, në atë mënyrë që gjatë drejtimit të automjetit të tij, duke mos respektuar këmbësorin – tani të ndjerin Sh.S., i cili ka qenë duke trupuar rrugën në vendkalimin e këmbësorëve, me pjesën e parë të automjetit e ka goditur të njëjtin, duke i shkaktuar lëndime të rënda trupore, i cili fillimisht është dërguar për ndihmë mjekësore në Spitalin Regjional në Gjilan, pastaj është transferuar në QKUK, në Prishtinë, ku edhe ka ndërruar jetë”, thuhet në njoftimin e Prokurorisë Themelore në Gjilan.
Ndaj të dyshuarit do të ndërmerren masat e mëtejme ligjore./teve1.info
