Një grua ka vdekur pasi është goditur nga një veturë në Drenas, mbrëmjen e së martës, raporton teve1.info
Sipas raportit policor, i dyshuari mashkull e kishte goditur viktimën me veturë nga pakujdesia, duke i shkaktuar lëndime të rënda.
E lënduara ishte dërguar në QKUK për tretman mjekësor, mirëpo për shkak të lëndimeve të rënda ka ndërruar jetë.
“Gllogoc 05.06.2023 – 18:43. I dyshuari mashkull kosovar derisa ishte duke drejtuar veturën dyshohet nga pakujdesia ka goditur viktimën femër kosovare, të cilës i ka shkaktuar lëndime të rënda. Viktima pasi është dërguar në QKUK për tretman mjekësor, dyshohet për shkak të lëndimeve ka ndërruar jetë. Me urdhër të prokurorit, trupi i pajetë i viktimës është dërguar në IML për obduksion”, thuhet në komunikatë.