Deputeti nga Lëvizja Vetëvendosje, Gazmend Gjyshinca, thotë se nuk e dinë a do të përfundojë dialogu Kosovë – Serbi, derisa partia e tij është në krye të ekzekutivit.
Gjyshinca, thotë se vetëm një Zot e dinë se çfarë do të ndodhë në të ardhmen.
“Të ardhmen nuk e dimë asnjëri prej nesh, si politikan, si deputet, si qytetar me të vërtetë e kam të pamundur ta bëj një parashikim. Unë mund të them se cilat janë prioritetet, cila është agjenda jonë, çka është e rëndësishme për ne si Kosovë edhe si shtet edhe si shoqëri, pse duhet të insistojmë të gjithë t’i ruajmë këtë prioritete e si mund të vazhdojë tutje vetëm një Zot e dinë”, tha ai në emisionin “Ditari” në Tëvë1.
Deputeti thotë se është në interesin e shtetit të arrihet një marrëveshje, duke shtuar se kush, sa, dhe si mbetet të shihet në fund të mandatit.
“I kemi prioritetet, i kemi agjendat, është plani, është strategjia. Ajo se çfarë jemi thirrur të bëjmë, po e bëjmë, mirëpo te ardhmen s’mund ta parashikojmë dot se nuk e dimë se çfarë ka me ndodhë në të ardhmen. Për këtë shkak e thash, përndryshe siç mendoj unë se është në interesin tonë të arrihet marrëveshja, është në interesin tonë të ecim përpara, është në interesin tonë që rajoni të jetë më i qetë, më i paqt, në kuptimin e marrëdhënieve ndërshtetërore, ndëretnike dhe padyshim për këtë po punohet. Tash, kush, sa, si do të mbetet të shihet në fundin e saj që fola unë, në fundin e mandatit”, shtoi ai./teve1.info/
