Valon Bajgora do të jetë gjyqtar kryesor në derbin e xhiros së 8-të në Superligën e Kosovës në futboll ndërmjet Llapit dhe Ballkanit që luhet të dielën në Podujevë.
Të enjten është tërhequr shorti për zyrtarët e pesë ndeshjeve të elitës së futbollit kosovar që do të luhen përgjatë tri ditëve.
Gjyqtari Bajgora në duelin Llapi – Ballkani, do të ndihmohet nga asistentët Bekim Rama e Enis Bejtullahu kurse gjyqtar i katërt do të jetë Gramos Shala.
Të dielën luhet edhe ndeshja Suhareka – Malisheva, ku gjyqtar kryesor është Genc Nuza me asistentët Bujar Selimaj e Kastriot Peci derisa i katërti do të jetë Isak Ceroviku.
Derbi i Anamoravës, Drita – Gjilani i është besuar Mervan Bejtullahut me asistentët Besnik Morina e Hekuran Osmani, si dhe Erdall Zasellën si gjyqtar i katërt.
Kjo përballje luhet të shtunën sikurse edhe Prishtina – Feronikeli ’74, ku zyrtarë të ndeshjes janë Ilir Mehmeti, Arbnor Bullatovci, Drilon Rexhepi dhe Vigan Ibërdemaj.
Dueli Ferizaj – Dukagjini, që luhet të premten do të drejtohet nga treshja Mentor Ajeti, Fatmir Sekiraqa e Fatlum Jashari kurse gjyqtar i katërt do të jetë Egzon Dakaj.
Të gjitha ndeshjet e xhiros së tetë të Superligës së Kosovës startojnë në orën 15:00.
