Shtëpia e futbollit evropian – UEFA, edhe një herë ka përzgjedhur gjyqtarët nga Kosova për të ndarë drejtësinë në arenën ndërkombëtare, ka njoftuar të hënën Federata e Futbollit të Kosovës (FFK).
UEFA ka deleguar Visar Kastratin si gjyqtar kryesor në ndeshjen kualifikuese për Evropianin U21 ndërmjet Luksemburgut dhe Irlandës Veriore.
Kastrati në këtë ndeshje që luhet në Luksemburg, do të asistohet nga Fatlum Berisha e Bujar Selimaj, ndërsa gjyqtar i katërt do të jetë Vigan Ibërdemaj.
Kjo ndeshje do të luhet të martën prej orës 20:30 dhe i takon Grupit F, në të cilin Luksemburgu U21 është i pesti në tabelë me 7 pikë të mbledhura, tri më pak se Irlanda e Veriut që renditet e treta.
