Në ditën e dytë të dëshmisë, Teuta Hadri u mor në pyetje nga ana e prokurorisë dhe mbrojtëses së viktimave.
Dëshmitarja e mbrojtjes së Salih Mustafës, tregoi për ndërtesën në Zllash, në të cilën kishin qëndruar gjatë luftës.
“Dollapi i ka pas vetëm fishekët, dhe arma ka qenë e komandantit e vjerrë aty, por janë fishekë të vogël të ekspozum aty, kompjuteri ka qenë në dhomën tjetër jo kur isha unë këtu, tani ndërkohë kur e kanë pru nashta, tash 20 vjet e kam shkru kto, se kom pa të arsyeshme në detaje që kam me ardh këtu që a o bart kompjuteri nga kjo dhomë te dhoma tjetër. Diqysh qesharake…”, tha ajo.
Pas Hadrit, para trupit gjykues të enjten filloi së dëgjuari edhe dëshmitarja e radhës.
Ibadete Canolli – Kaçiu, në dëshminë e saj ka mohuar ekzistencës e një qendre ndalimi në Zllash.
Salih Mustafa për akuzat për krime lufte dhe krime kundër njerëzimit, është duke qëndruar në paraburgim në Hagë, nga 24 shtatori i vitit 2020.
Raporti i gazetares Florijeta Dernjani.
