Vëmendja është e madhe.
Arton Hoti po e përcjellë fjalimin e fundit para trupit gjykues të bashkëluftëtarit të tij, Hashim Thaçit.
Emocionet janë të pashmangshme, kur Hoti dëgjon fjalët e ish-drejtorit politik të Ushtrisë Çlirimtare të Kosovës.
Bashkëfshatari i Thaçit thotë se ish-Presidenti mbetet krenaria jo vetëm e tyre por e gjithë kombit shqiptar.
Ndonëse vlerëson se i gjithë procesi ishte i padrejtë që prej fillimit, është optimist se ish-krerët e UÇK-së do të lirohen nga të gjitha akuzat.
Hoti ishte pjesë e luftës në Zonën e Drenicës, kryesisht në fshatin Burojë e po ashtu edhe dëshmitar i disa masakrave të kryera nga forcat serbe.
