Greva ka bërë që lëndët të mbeten pa u proceduar, shumë seanca janë shtyrë, duke e ngarkuar kështu edhe më shumë sistemin e drejtësisë.
“Këto ditë të grevës së stafit administrativ të gjykatës, punët e gjykatës janë vështirësua apo pothuajse kanë stagnuar fare, për arsye se mbahen vetëm lëndët urgjente siç janë me paraburgime, dhunë në familje dhe lëndë afër parashkrimit, lëndët tjera pothuajse s’mbahen asnjë”, ka deklaruar Sadiku në emisionin “De Jure” në Tëvë1.
Ai tha se tani duhet të bëhet punë e dyfishtë për të nisur procesin e punës, pasi shumë seanca kanë dështuar të mbahen.
“Proceset janë dëmtu apo lëndu shumë, për arsye se na duhet të gjitha seancat të cilat janë caktu për këtë kohë të grevës, e cila ka fillu dhe nuk dihet se kur përfundon të fillojmë me ftesa të reja dhe sigurisht që punë e dyfishtë, po këtë e ka greva dhe sigurisht gjykata do të mundohet t’ia del mbanë aq sa ka mundësi”, ka thënë ai.
Për më shumë, ndiqeni emisionin “De Jure” me temën “Paqartësitë e grevës në sistemin e drejtësisë”, i cili transmetohet në Tëvë1 dhe “Betimi për Drejtësi”./Tëvë1/