Ankesa e kandidatit për deputet të Partisë Demokratike të Kosovës, Petrit Hajdari ndaj vendimit të Panelit Zgjedhore për Ankesa dhe Parashtresa (PZAP) është refuzuar si e pabazuar nga Gjykata Supreme e Kosovës.
Hajdari i kishte kërkuar Supremes që ta vlerësojë vendimmarrjen e PZAP-së që e vendosi si të pabazuar ankesën e tij, me të cilën pretendonte se votat për të nuk iu përputhën në disa vendvotime.
“Refuzohet si e pabazuar ankesa kandidatit për deputet P. H., nga Subjekti Politik Partia Demokratike e Kosovës (PDK), me seli në Prishtinë, e paraqitur kundër vendimit të Panelit Zgjedhor për Ankesa dhe Parashtresa, A.nr.636/2025, të datës 18.03.2025”, thuhet në vendimin e Supremes.
