Avokati i familjes së Lulzim Fejzullahut, Tomë Gashi, ka bërë të ditur se Gjykata Themelore në Prishtinë i ka shpallur fajtorë dy të miturit për vrasjen e viktimës.
Gashi tha se Gjykata i ka shpallur përgjegjës dy të miturit, duke i shqiptuar dënim për të miturit me kohëzgjatje njërit prej 10 vitesh e tjetrit 9.
“Gjykata vetëm sa vendosi përsëri për rastin e të miturve, të cilët kanë qenë të përfshirë në rastin e Lulzim Fejzullahut, të njëjtit i ka shpallur përgjegjës sikur herën e kaluar në maj të këtij viti duke i shqiptuar dënim për të mitur njërit me kohëzgjatje prej 10 vitesh e tjetrit 9 vite. Me këtë vendim të Gjykatës, i cili është gjykim i përsëritur – vërtetohet se rasti është kthyer në rigjykim për çështje teknike jo që ka ndryshuar gjendja faktike”, tha ai para gazetarëve, pas shpalljes së gjykimit.
Ai tha se gjykata të dytë i ka shpallur fajtor për “Vrasje të rëndë”.
“Gjykata i ka shpallur fajtor për ‘Vrasje të rëndë’ dhe jo sipas pretendimeve që ka qenë kinse incident moment, gjë që është vërtetuar edhe me video dhe prova të tjera që gjithçka ka qenë faktikisht që i ka paraprirë një sulmi të mëhershëm”, deklaroi ai./teve1.info/
Lulzim Fejzullahu është vrarë në janar të këtij viti në Podujevë.
