Gjykata Themelore në Pejë ka vendosur për caktimin e masës së ndalimit për t’ju afruar vendit ose personit të caktuar ndaj xhudistit Akil Gjakova, i cili dyshohet për veprën penale dhunë në familje.
Kjo masë është vendosur në kohëzgjatje prej një muaji për distancën 50 metra.
Nga kjo gjykatë, theksojnë se në rast të shkeljes së kësaj mase nga i pandehuri, ndaj tij do të caktohet masa e paraburgimit.
“Të pandehurit i është caktuar masa e ndalimit për t’iu afruar vendit ose personit të caktuar në kohëzgjatje prej një (1) muaj, ashtu që të njëjtit i është ndaluar për t’iu afruar vendit ku e dëmtuara banon si dhe vetë të dëmtuarës, në distancë prej pesëdhjetë (50) metra, e në rast të mosrespektimit të kësaj mase nga ana e të pandehurit, gjykata ndaj të njëjtit do të caktoj masën e paraburgimit. Pasi pala e dëmtuar të njoftohet me aktvendim edhe ajo duhet të respektoj vendimin e gjykatës dhe nëse qëllimisht cenon kufizimet që i ka i pandehuri, gjykata mund t’a dënojë personin e mbrojtur me gjobë”, thuhet në komunikatën e lëshuar të kësaj gjykate.
