Gjykata Kushtetuese ka miratuar kërkesën e Listës Serbe për vendosjen e masës së përkohshme, lidhur me kërkesën që ka dorëzuar kjo parti të shtunën për zgjedhjen e nënkryetarit të Kuvendit nga radhët e komunitetit serb.
Vendimin mund ta lexoni këtu
Gjykata Kushtetuese ka vendosur masën e përkohshme që hynë në fuqi nga 5 shtatori (sot) deri më 30 shtator.
“TË CAKTOJË ex officio dhe sipas kërkesës së parashtruesve masën e përkohshme përmes të cilës ndalohet çdo veprim i deputetëve të zgjedhur të Kuvendit të
Republikës së Kosovës, si dhe çdo procedurë për formimin e Qeverisë;
- TË URDHËROJË që masa e përkohshme hyn në fuqi më 5 shtator 2025, në
kohëzgjatje deri më 30 shtator 2025;
III. T’UA KUMTOJË këtë Vendim palëve;
- TË PUBLIKOJË këtë Vendim në Gazetën Zyrtare, në pajtim me paragrafin 4 të
nenit 20 të Ligjit;
Gjykata Kushtetuese ka konstatuar se seanca konstituive e nisur më 15 prill nuk ka përfunduar.
“Seanca e Konstituimit të Kuvendit, e filluar më 15 prill 2025, nuk ka përfunduar dhe si rezultat i moszgjidhjes së Kryetarit/es dhe nënkryetarëve të Kuvendit të 6 Republikës së Kosovës e njëjta nuk është zhvilluar në pajtim me përcaktimet dhe kërkesat e paragrafit 1 të nenit 66 [Zgjedhja dhe Mandati] të Kushtetutës; dhe (ii) Deputetët e zgjedhur të Kuvendit, në zbatim të paragrafit 1 të nenit 66 [Zgjedhja dhe Mandati] në ndërlidhje me nenin 67 [Zgjedhja e Kryetarit dhe Nënkryetarëve], nenin 70 [Mandati i Deputetëve] dhe nenin 74 [Ushtrimi i Funksionit] të Kushtetutës së Republikës së Kosovës, Kreun IV të Rregullores së Kuvendit të Republikës së Kosovës dhe në pajtim me Aktgjykimin duhet që sa më shpejtë dhe jo më vonë se 30 (tridhjetë) ditë të përfundojnë seancën konstituive të Kuvendit duke zgjedhur Kryetarin dhe nënkryetarët e tij”, thuhet ndër të tjera nga Gjykata Kushtetuese.
