Ish- ushtari i UÇK-së, Blerim Ramadani dërgohet në paraburgim ekstradues prej 30 ditëve në burgun hetues të Shutkës.
Lajmin e ka bërë të ditur Ministria e Jashtme e Kosovës.
“Ministria e Punëve të Jashtme dhe Diasporës informon opinionin se shtetasit të Republikës së Kosovës, Blerim Ramadani, i është caktuar masa 30-ditore e paraburgimit me vendim të Gjykatës Themelore në Shkup. Blerim Ramadani është ndaluar më 17 korrik 2024 në pikëkalimin kufitar Jazhincë, bazuar në një fletë arresti të lëshuar nga Gjykata e Beogradit, përmes INTERPOL Serbia, me pretendimin për krime lufte në verën e vitit 1999 në rajonin e Nerodimës. Ambasada e Republikës së Kosovës në Shkup eshte angazhuar me ekip të ekspertëve juridik për lirimin sa më të shpejtë të z. Ramadani dhe kthimin e tij në familje. MPJD dhe institucionet e Kosovës do të përdorin të gjitha kanalet diplomatike për të siguruar lirimin e shtetasit tonë”, thuhet nga MPJD.
Ramadani është arrestuar mbrëmë nga autoritetet maqedonase me një urdhërarrest të lëshuar nga Serbia.
