Gjykata Themelore në Prishtinë ka dënuar dy persona me 14 vjet burgim së bashku, pasi u shpallën fajtorë për kryerjen e veprës penale të “Dhunimit”.
I akuzuari A.O është shpallur fajtor dhe është dënuar me 8 vite burgim, përderisa i akuzuar D.RR është dënuar me 6 vite.
Dënimi do të ekzekutohet 15 ditë nga dita e plotfuqishmërisë së këtij aktgjykimi, ka njoftuar Gjykata.
“Të pandehurve A.O dhe D.RR iu vazhdohet masa e paraburgimit nga data 12.04.2023 e deri sa ky aktgjykimi të merr formë të prerë, por jo më gjatë se koha e dënimit me burgim të shqiptuar në aktgjykim, ndërsa iu llogaritet masa e paraburgimit në dënimet e shqiptuara”, sqarohet tutje.
Po ashtu Gjykata i ka urdhëruar të akuzuarit t’i paguajnë të gjitha shpenzimet e tjera të procedurës penale.
“…Në emër të paushallit gjyqësor shumën prej njëqind (100) euro secili veç e veç, kurse në emër të kompensimit të viktimave të krimit shumën prej pesëdhjetë (50) euro secili veç e veç, në emër të ekspertizës së Institutit të Psikiatrisë Forenzike shumën prej katërqind e pesëdhjetë (450) euro në mënyrë solidare, të gjitha këto në afat prej 15 ditësh nga dita e plotfuqishmërisë së këtij aktgjykimi”, thuhet në njoftim.
