Një qytetar është arrestuar në Rrugën “Drenica” në Prishtinë pasi ka shtënë me armë në një dasmë, raporton teve1.info
Sipas raportit të Policisë, në vendin e ngjarjes është gjetur dhe konfiskuar një pistoletë me gas, një karikator i zbrazët dhe gjashtë gëzhoja.
I dyshuari është dërguar në mbajtje.
“Rr. Drenica, Prishtinë, 13.08.2023 – 16:50. Është arrestuar i dyshuari mashkull kosovar pasi që i njëjti në një aheng familjar kishte shtënë me armë. Në vendin e ngjarjes është konfiskuar një pistoletë me gas me një karikator të zbrazët si dhe janë gjetur dhe konfiskuar gjashtë (6) gëzhoja. Me vendim të prokurorit i dyshuari është dërguar në mbajtje”, thuhet në komunikatë.
