Ministria e Punëve të Brendshme, ka njoftuar se gjatë muajit qershor,për incidente me të shtëna armësh në ahengje, janë arrestuar 4 persona si dhe janë pranuar 6 raportime nga qytetarët.
Gjithashtu, sipas njoftimit bëhet e ditur se janë konfiskuar 19 municione dhe 4 armë.
“Gjatë muajit Qershor 2024 lidhur me incidentet e të shtënave me armë në ahengje, Policia e Kosovës ka pranuar 6 raportime nga qytetarët, ka arrestuar 4 persona, ka konfiskuar 19 municione, dhe ka konfiskuar 4 armë.
Bashkëpunimi është thelbësor në parandalimin e tragjedive që mund të shkaktohen nga gjuajtjet me armë zjarri” , thuhet në njoftim./teve1.info/
