Një gjuajtje me armë zjarri ka ndodhur sot rreth orës 00:45 në Graçanicë.
Policia bën të ditur se një person i dyshuar ka shtënë në ajër me armë zjarri, derisa ishte në lëvizje me automjetin e tij.
“Menjëherë rastit i janë përgjigjur ekipet policore, të cilat kanë arritë që të identifikojnë dhe sigurojnë prezencën e personit të dyshuar. Personi i dyshuar, në praninë e avokatit mbrojtës ka dorëzuar një armë zjarri, e cila është sekuestruar nga ana e policisë”, thuhet në njoftim.
Sipas PK-së, ndaj të dyshuarit F.R. është hapur rast për veprat “Përdorim i armës apo mjetit të rrezikshëm” dhe “Mbajtje në pronësi, kontroll ose posedim i paautorizuar i armës”. /Teve1.info/
