Një person nga Drenasi ka raportuar në Policinë e Kosovës, se dje derisa kishte qenë në lëvizje me kamionin e tij, disa persona të panjohur nga një veturë tjetër po ashtu në lëvizje kanë shtënë me armë zjarri.
Ankuesi, zyrtarëve policorë iu ka thënë se nga të shtënat me armë zjarri i kanë dëmtuar dy gomat e kamionit dhe janë larguar në drejtim të panjohur.
Lidhur me këtë ngjarje, Policia e Kosovës ka bërë të ditur se nuk ka persona të lënduar, si dhe rasti është iniciuar “Përdorim i armës apo mjetit të rrezikshëm”.
Për zbardhjen e rrethanave të rastit, PK në raportin 24-orësh ka njoftuar se rasti është ende në procedurë hetimore.
“PËRDORIM I ARMËS APO MJETIT TË RREZIKSHËM/Gllogoc 17.04.2023-09:55. Ankuesi mashkull kosovar ka raportuar se derisa ka qenë me kamionin e tij në lëvizje, persona të panjohur nga një veturë në lëvizje kanë shtënë me armë zjarri në drejtim të tij me ç’rast i kanë dëmtuar dy gomat e kamionit dhe janë larguar në drejtim të panjohur. Nuk raportohet për të lënduar, rasti në procedurë hetimore”, thuhet në raport.
