Policia e Kosovës ka njoftuar se dje janë plagosur me armë zjarri dy persona në Hajvali.
Bëhet e ditur se plagosja ka ardhur si pasojë e përleshjes mes dy familjeve, me ç’rast janë lënduar dy persona nga gjuajtja me armë.
Sipas raportit, në vendin e ngjarjes Policia ka gjetur dhe sekuestruar gëzhoja dhe një fishek të pa shkrepur.
“Është raportuar për një përleshje në mes të dy familjeve, njësitë relevante policore kanë dalë në vendin e ngjarjes ku kanë gjetur dhe sekuestruar tre gëzhoja dhe një fishek të pa shkrepur. Një i dyshuar mashkull kosovar, i cili dyshohet se ka kryer plagosjen, është lokalizuar. I njëjti i është nënshtruar një intervenimi kirurgjik në spital pasi që ka pësuar lëndime”, thuhet në njoftim.
Kurse me vendim të prokurorit i dyshuari tjetër mashkull kosovar i cili ka mbetur i plagosur me armë zjarri është intervistuar dhe liruar në procedurë të rregullt. I dyshuari i tretë mashkull kosovar me vendim të prokurorit është dërguar në mbajtje. /teve1.info./
