Policia ka njoftuar se ka gjobitur një motoçiklist, i cili ishte kapur duke ngarë motoçikletën vetëm në njërën rrotë dhe duke bërë veprime të rrezikshme, në Istog.
Sipas njoftimit, me një veprim të tillë ngasësi i motoçikletës ka rrezikuar drejtpërdrejt veten dhe pjesëmarrësit e tjerë në komunikacion.
Veprimi i rrezikshëm nga ngasësi është denoncuar nga një qytetar, i cili ka vënë në dijeni organet e rendit, duke iu dhënë fotografi dhe video, nga ku pastaj Njësia e Komunikacionit Rrugor DRP-Pejë ka identifikuar shkelësin dhe i ka shqiptuar një gjobë sipas ligjit.
“Drejtoria Rajonale e Policisë në Pejë ka ndërmarrë veprime të menjëhershme pas pranimit të një informacioni (foto dhe video) nga një qytetar lidhur me një kundërvajtje të rrezikshme në komunikacion.Sipas të dhënave zyrtare, personi në fjalë është kapur duke vozitur një motocikletë, në rrugët e fshatit Studenicë, Komuna e Istogut. Për më tepër, ai ka bërë veprime të rrezikshme gjatë ngasjes, duke u bërë rrezik i drejtpërdrejtë për vetën dhe pjesëmarrësit e tjerë në komunikacion.I njëjti bën veprime të rrezikshme në komunikacion duke ngasur motoçikletën vetëm në njërën rrotë si dhe veprime të tjera të cilat kanë rrezikuar vetën dhe pjesëmarrësit të tjerë në komunikacion.Njësia e Komunikacionit Rrugor DRP-Pejë, ka identifikuar shkelësin dhe i ka shqiptuar një gjobë sipas ligjit.Policia falënderon qytetarin që ka raportuar rastin dhe apelon për bashkëpunim të mëtejshëm, duke kërkuar nga të gjithë pjesëmarrësit në komunikacion që të respektojnë ligjin, për të garantuar siguri për të gjithë”, thuhet në njoftimin e Policisë së Kosovës.
