Policia e Kosovës e ka dënuar mbrëmë një 19-vjeçar i cili kishte kryer tejkalim të shpejtësisë në magjistralen Ferizaj – Kaçanik.
Sipas PK-së, i dyshuari V.S., ka drejtuar veturën pa patentëshofer dhe me këtë rast “është përjashtuar nga komunikacioni”, përcjell teve1.info
“Policia Rajonale e Komunakacionit Rrugor në Ferizaj, me datën 20.10.2023 rreth orës 01:50 në rrugën magjistrale Ferizaj-Kaçanik, në fshatin Rakaj të Ferizajt ka ndaluar personin V.S (M/K) i moshës 19 vjeçar, i cili ka bërë tejkalimin e shpejtësisë, ku në zonën e kufizimit 50 km/h ka zhvilluar shpejtësi 138 km/h, ndërsa gjatë kontrollimit të dokumentacionit, i njëjti po drejtonte veturën pa patent shofer. Ndaj tij, policia inicioj një fletëparaqitje për gjykatë, divizionin për kundërvajtje, ndërsa persnon V.S e përjashtoi nga komunikacioni”, thuhet në njoftim.
