Në njoftimin nga Policia e Kosovës thuhet se sot në rrugën Rexhep Bislimi është ndalur automjeti i cili në zonën e kufizimit 40km/h zhvilloi shpejtësi 74km/h. Të njëjtit i është shqiptuar gjoba sipas ligjit të komunikacionit rrugor.
“Policia e stacionit në Ferizaj, sot rreth orës 13:30 ka ndaluar shoferin i cili me automjetin e udhëtarëve shkaktoi kundërvajtje në komunikacion, tejkalim i shpejtësisë në rrugën ” Rexhep Bislimi ’’ në Ferizaj, ku në zonën e kufizimit 40 km/h zhvilloi shpejtësi 74 km/h.Në lidhje me këtë policia, ndaj shoferit me inicialet A.M (M/K) i moshës 44 vjeçar i shqiptoi një gjobë, sipas ligjit të komunikacionit rrugor, 300 euro, 3 pikë negative dhe gjashtë (6) muaj masë mbrojtëse ( heqje e patentë shoferit). Ai në tërësi e pranoi kundërvatjen e shkaktuar”, thuhet në njoftim.
Kurse gjatë ditës në të njëjtën rrugë policia gjobiti edhe shoferin tjetër i cili drejtonte automjetin me shpejtësi 82 km/h në zonën e kufizimit 40 km/h.
“Në po të njejtën rrugë, policia ndaloi shoferin tjetër me inicialet E.S (M/K) i moshës 22 vjeçar i cili shkatoi kundërvajte duke drejtuar me shpejtësi 82 km/h në zonën e kufizimit 40 km/h. Për këtë policia i shqiptoi një gjobë, sipas ligjit të komunikacionit rrugor, 300 euro , 3 pikë negative dhe gjashtë (6) muaj masë mbrojtëse ( heqje e patentë shoferit). Edhe ky e pranoi në tërësi kundërvajtjen e shkaktuar”, thuhet tutje.