Policia e Kosovës nga data 3 prill do të fillojë dërgimin e gjobave të trafikut në adresë të pronarit të automjetit për kundërvajtjet e identifikuara përmes kamerave dhe radarëve.
Në njoftimin për media është bërë e ditur se dërgimi i gjobave do të realizohet për Postës së Kosovës dhe platformës e-Kosova.
“Nëse ai nuk ishte drejtuesi i mjetit në momentin e shkeljes, është i detyruar të sigurojë të dhënat e shoferit.
Mosdorëzimi i këtyre të dhënave sjell masa ligjore për personat fizik dhe juridik sipas nenit 254 të Ligjit nr. 08/L-186”, bëhet e ditur në njoftim.
Policia thotë se personat që i kanë shitur veturat dhe më nuk e kanë në pronësi automjetin, duhet t’i njoftojnë autoritetet dhe të transferojnë pronësinë, në mënyrë që t’i shmangin gjobat dhe shqetësimet e panevojshme.
“Nëse nuk e keni më në pronësi një automjet, njoftoni autoritetet dhe transferoni pronësinë, për të shmangur gjobat dhe shqetësimet e panevojshme.
Respektoni rregullat e trafikut dhe kontribuoni në sigurinë rrugore! Policia e Kosovës | Siguria në rrugë është përgjegjësi e përbashkët!”, thuhet në njoftim./teve1.info/
