Anëtari i AAK-së, Labinot Gjini ka thënë se deputetja, Albulena Haxhiu ka krijuar shumë përçarje dhe nuk duhet që të jetë kryetare e Kuvendit.
Ai tha se Haxhiu për katër vite nuk i ka qëndruar asnjëherë fjalës së vet.
Tutje, ai tha se kryekuvendari duhet të jetë një person stabil, me integritet të lartë dhe përbashkues dhe sipas tij, këto cilësi nuk i ka Haxhiu.
“Ministria e z.Haxhiu është ministria më e dështuar e Qeverisë së kaluar. Është një zonja që nuk është stabile dhe e kemi të qartë këtë punë, sepse nuk ka për katër vjet një herë që i ka qëndruar fjalës së vet. Është një zonjë që ka bërë përçarje shumë të mëdha. Kryekuvendari duhet të jetë një person stabil, me integritet të lartë dhë përbashkues. Këto cilësi nuk i ka z.Haxhiu… Dhe ne mendojmë p.sh kur ke fjala për z. Selimi – bashkëshortja e Rexhep Selimit, nuk e njohim si figurë përçarëse dhe e ka legjimitetin historike, sepse ka qenë më sa e di unë edhe luftëtare. Pra, na duket si një figurë më përbashkuese…”, ka thënë ai në emisionin “Ditari” në Tëvë1.
Ndryshe, Kuvendi i Kosovës e ka publikuar tashmë agjendën për të mërkurën, kur edhe pritet të vazhdojë seanca konstituive.
Aty, bëhet me dije se seanca do të vazhdojë nga ora 10:00. Kjo pritet të jetë hera e katërt që vazhdon seanca konstituive.
