Mbrojtësi i Shqipërisë, Berat Gjimshiti nuk do të jetë në gjendje të luaj të paktën deri në fund të këtij muaji.
Klubi i tij nga Serie A, Atalanta ka njoftuar se Gjimshiti është i detyruar të pauzojë për tri javë pas lëndimit që e pësoi në ndeshjen e fundit kampionale kundër Interit.
Gjimshiti ka lënduar muskulin e kofshës në disfatën 4:0 dhe për shkak të këtij datimi nuk do të jetë pjesë e Kombëtares së Shqipërisë për dy ndeshjet e këtij muaji në kuadër të Ligës së Kombeve.
Shkaku i lëndimit, Gjimshiti do t’i mungoj Atalantas në tri ndeshje, dy në kuadër të kampionatit italian dhe një tjetër në Ligën e Kampionëve. Ai nuk do të jetë në dispozicion të trajnerit Gian Piero Gasperini për duelet me Fiorentinën, Arsenalin dhe Comon.
Tek Atalanta janë optimistë se Gjimshiti do të rikthehet për përballjen kundër skuadrës së Bolognas, ndeshje kjo që luhet më 29 shtator dhe i takon xhiros së 6-të të kampionatit italian.
31-vjeçari këtë sezon ka regjistruar 4 paraqitje deri më tani për Atalantan, ekip me të cilin ka kontratë deri në verën e vitit 2026.
