Tre golat e shënuar në pjesën e parë ia siguruan fitoren skuadrës së Gjilanit.
Gjilani të dielën në shtëpi e mposhti Prishtinën e Re me rezultatin, 3:2. Ndeshja i takoi xhiros së 18-të të Superligës së Kosovës.
Edi Basha e hapi serinë e golave në minutën e 23-të. Pesë minutë më pas, Basha, e shënoi edhe golin e dytë.
Sulmuesi i qendrës, Senad Jaroviq, realizoi për 3:0 në minutën e 37-të.
Toni Gomes e shënoi golin e parë për Prishtinën e Re në minutën e 45-të.
Ndërsa Astrit Berisha e ngushtoi rezultatin në 3:2 në minutën e 92-të, por në fund goli i tij nuk mjaftoi për t’ia rrezikuar fitoren vendësve.
Për Gjilanin ishte ndeshja e gjashtë rresht pa humbje. Ndërkohë për Prishtinën e Re ishte disfata e dytë në tri ndeshjet e fundit.
Gjilani ka 26 pikë dhe e zë vendin e gjashtë. Prishtina e Re vazhdon të mbetet në pozitën e fundit me 15 pikë.
