Drenica ka rrëshqitur në shtëpi. Kuqezinjët kanë pësuar humbje minimale 1:0 ndaj Dukagjinit në “Bajram Aliu”, në kuadër të xhiros së 29-t të Superligës së Kosovës.
“Hithat” tre pikët e mëdha i fituan me golin e Arber Shala-s të realizuar në minutën e 71-t. Pas 29-t xhirove, Drenica zë vendin e 7-t me 35 pikë, dy me shumë se Dukagjini në pozitën e 8-t.
Pikë të plota ka marrë edhe Gjilani, e cila po lufton për titullin kampion te Kosovës. Kuqebardhët në stadiumin e qytetit në Gjilan, triumfuan me shifra 5:1 kundër Feronikelit.
Golat për ekipin e Ismet Munishit erdhën nga Keita Razak 33′, 54′, Shend Kelmendi 39′, Blerim Krasniqi 54′ dhe Gerhard Progni 93′. Ndërkaq golin e nderit për Niklin e ka realizuar Ardi Qorri në minutën e 9-t.
Me 55 pikë, Gjilani zë vendin e dytë, pesë me pak se Ballkani që ka një ndeshje me pak. Kurse Feronikeli i fundit me vetëm 12 pikë.
Edhe Malisheva ka marrë fitore të rëndësishme në shtëpi ndaj Ulpianës. Goli i Ronald Sobwales në minutën e 18-të ishte i mjaftushëm për të kurorëzuar fitoren 10 sezonale.
Me 37 pikë, Malisheva gjendet në vendin e 6-të. Ndërkaq Ulpiana renditet e parafundit me 24 pikë.
/Tëvë1/
