Kancelari gjerman, Friedrich Merz ka vënë në pikëpyetje publikisht legjitimitetin e qeverisë së Iranit, duke sugjeruar se ajo po i afrohej rënies.
“Nëse një regjim mund ta mbajë veten në pushtet vetëm me forcë, atëherë në fakt është në fund”, tha Merz. “Unë besoj se tani po shohim ditët dhe javët e fundit të këtij regjimi. Sidoqoftë, ai nuk ka legjitimitet përmes zgjedhjeve në popullatë. Popullsia tani po ngrihet kundër këtij regjimi”.
Pas këtyre deklaratave ka reaguar ministri i Jashtëm iranian, Abbas Araghchi, i cili ka akuzuar Gjermaninë për standarde të dyfishta mbi të drejtat e njeriut.
Ai tha se Gjermania ishte “ndoshta qeveria në pozicionin më të keq” për t’u dhënë leksione të tjerëve mbi të drejtat e njeriut, duke argumentuar se besueshmëria e Berlinit ishte “zhdukur” nga qëndrimet e saj ndaj luftës gjenocidale të Izraelit në Gaza, shkruan Al Jazeera.
“Kur Irani mposht terroristët që vrasin civilë dhe oficerë policie, kancelari gjerman nxiton të deklarojë se ‘dhuna është një shprehje dobësie’”, tha Araghchi. “Çfarë ka për të thënë atëherë z. Merz për mbështetjen e tij të përzemërt për vrasjen masive të 70,000 palestinezëve në Gaza?”
