Ambasada e Francës në Prishtinë ka thënë se janë të shqetësuar nga siç thonë ata mbyllja e njëpasnjëshme të një numri të madhe të strukturave paralele.
Sipas tyre këto struktura funksionojnë pa autorizim formal nga autoritetet kompetente në Republikën e Kosovës, por ato ofrojnë shërbime që kanë rëndësi të madhe për jetën e përditshme të serbëve të Kosovës dhe komuniteteve tjera.
Tutje, thuhet se mbyllja e tyre mund të këtë ndikim në jëtën e përditshme të qytetarëve.
“Jemi të shqetësuar nga mbyllja e njëanshme e një numri të madh të strukturave të ashtuquajtura “Serbia drejton paralele”. Këto struktura funksionojnë pa autorizim formal nga autoritetet kompetente në Republikën e Kosovës, por ato ofrojnë shërbime që kanë rëndësi të madhe për jetën e përditshme të serbëve të Kosovës dhe komuniteteve tjera. Mbyllja e tyre mund të ketë ndikim në jetën e përditshme të qytetarëve”, thuhet në reagim.
Më tej, thuhetse është për të ardhur keq që kjo valë e mbylljeve po ndodh në kohë të fushatës zgjedhore.
“Jemi plotësisht të përkushtuar ndaj sovranitetit dhe pavarësisë së Kosovës. Megjithatë, kujtojmë se çështja e këtyre strukturave “paralele” duhet të trajtohet në kuadër të dialogut të lehtësuar nga BE-ja. Zbatimi i ASMM-së, në bazë të draft statusit të përgatitur nga BE-ja, do të mundësojë vazhdimin e ofrimit të shërbimeve të caktuara për qytetarët serbë të Kosovës në respekt të plotë të kornizës kushtetuese të Republikës së Kosovës. Është gjithashtu për të ardhur keq që kjo valë mbylljesh po ndodh gjatë fushatës zgjedhore. Kjo periudhë duhet të jetë një mundësi për të paraqitur perspektiva gjithëpërfshirëse për të ardhmen e të gjitha komuniteteve të Kosovës, në përputhje me natyrën multietnike të Kosovës, siç kërkohet nga bashkësia ndërkombëtare në vitin 2008”, thuhet në reagim.
Për aksionin e sotëm ka reaguar edhe ambasadori i Gjermanisë në Kosovë, Jorn Rohde.
Ai ka thënë se e mbështet plotësisht deklaratën e BE-së lidhur me aksionin e Policisë së Kosovës për mbylljen e strukturave paralele në dhjetë komuna në vend.
Rohde ka thënë se në parim pajtohet që struktura të tilla nuk duhet të funksionojnë në Kosovë, por se sipas tij, rruga drejt mbylljes së tyre duhet të jetë gjithëpërfshirëse.
“Më lejoni të jem i qartë: ne jemi dakord në parim që funksionimi i strukturave të tilla paralele duhet të ndërpriten. Por rruga drejt kësaj duhet të jetë gjithëpërfshirëse. Me veprime si sot, nuk fitoni zemrat, mendjet e njerëzve të prekur”, ka shkruar Rohde në rrjetin social X.
