Partitë qeverisëse të Gjermanisë dhe opozita kryesore kanë arritur një marrëveshje për të mbajtur zgjedhje të parakohshme më 23 shkurt 2025, raportojnë mediat lokale.
Partia Social Demokrate (SPD) e kancelarit Olaf Scholz, partneri i saj i koalicionit të Gjelbërit dhe opozita kryesore Kristian Demokratët (CDU/CSU) kanë arritur një marrëveshje për datën e zgjedhjeve të parakohshme gjatë negociatave të tyre në Berlin, njoftoi agjencia gjermane e shtypit DPA.
Marrëveshja erdhi më pak se një javë pas rënies së qeverisë së koalicionit të majtë-liberal të Scholz për shkak të mosmarrëveshjeve me Demokratët e Lirë liberalë (FDP) mbi politikën ekonomike.
Scholz sugjeroi javën e kaluar se ai mund të bënte thirrje për një votëbesim në janar, duke hapur rrugën për zgjedhje të parakohshme në mars. Megjithatë, Kristian Demokratët e opozitës këmbëngulën se zgjedhjet e parakohshme duhet të mbahen më së voni në shkurt.
Pas këtij kompromisi, vendimi përfundimtar për datën e zgjedhjeve do t’i mbetet presidentit Frank-Walter Steinmeier, i cili luan një rol vendimtar në procesin e shpërndarjes së parlamentit dhe vendosjes së zgjedhjeve të reja./AA/
