Policia e Kosovës ka dhënë detaje rreth vdekjes së dyshimtë në Prishtinë, raporton teve1.info
Zëdhënësja e Policisë për Rajonin e Prishtinës, Flora Ahmeti, ka thënë për teve1.info se bëhet fjalë për një grua të moshës 91 vjeçare, e cila është gjetur pa shenja jete në banesën e saj.
“Sot rreth orës 16:00, kemi pranuar informatën për një person pa shenja jete në një banesë në rrugën “Halil Alidemaj” në Prishtinë. Menjëherë policia në koordinim me prokurorinë, ka filluar të ndërmerr të gjitha veprimet e duhura hetimore dhe ato forenzike – të ekzaminimit që do të ndihmonin në hetimin e vdekjes së personit femër, 91-vjeçare”, ka thënë Ahmeti.
