Personi i plagosur në Zllakuqan të Lipjanit pas trajtimit të marrë në Emergjencën e QKUK-së është dërguar për trajtim në Klinikën e Kirurgjisë Torakale.
Drejtori i Emergjencës, Naser Syla ka thënë për teve1.info se gjendja e tij pas lirimit ka qenë stabile dhe është dërguar për në Klinikën Torakale
“Është trajtuar në Emergjencë ku janë kryer të gjitha ekzaminimet e nevojshme dhe e kemi transferuar në Klinikën e Kirurgjisë Torakale për trajtim të mëtutjeshëm”, tha Syla.
I plagosuri është një 15-vjeçar.
Të mërkurën pas një mosmarrëveshje në Zllakuqan të Lipjanit një person ka vdekur pas therjes me thikë dhe një tjetër është plagosur.
“Bazuar në informacionet e para janë ngritur dyshimet se një mosmarrëveshje mes disa personave ka rezultuar me plagosjen e rëndë të dy personave, dyshohet me mjet të mprehtë thikë. Njëri nga personat e lënduar ka vdekur, ndërsa i lënduari tjetër është dërguar për tretman mjekësor. Vdekjen e viktimës mashkull, rreth 57 vjeç, e ka konstatuar ekipi mjekësor në QKMF në Magure” është thënë nga polica.
Për këtë rast janë arrestuar dy persona.
