Gjendja e dy minatorëve që ndodhen për trajtim në Repartin e Oftamatologjisë në Spitalin e Mitrovicës është relativisht e mirë. Ndërsa dhjetë minatorët e tjerë janë liruar për në shtëpi. E si shkak i këtij incidenti, drejtori i Minierës së Trepçës, Bahri Karaça është shkarkuar nga pozita.
Nga Emergjenca kaluan për trajtim në Repartin e Oftamatologjisë.
Dy minatorë pësuan lëndime të syve nga rrjedhja e kimikateve brenda Minierës së Trepçës.
E një ditë pas incidentit, gjendja e tyre filloi të përmirësohet.
Gjendja është relativisht e mirë. Njëri është pak më keq, tjetri më lehtë. Prej ditës së djeshme deri sot, ka ndryshime për të mirë… Djegie të kornesë dhe syrit me acid… Gjendjen po e përcjellim, në bazë të gjendjes që pash sot, besoj se brenda javës pacientët lirohen. Kjo nuk është definitive, por varësisht prej gjendjes, reagimeve.
Ndërkaq nga Miniera bëjnë të ditur se në horizontin e 11-të, tashmë ka kushte për punë.
Gjendja nuk është e ndaluar për punë, pra kanë konstatu që kanë kushte për punë, edhe Inspektoriati edhe Hetuesia e Forenzika. Pra ka kushte për punë pasi kemi hy vet fizikisht bashkarisht me inspektoriatin atje.
Ndërsa Sindikata e Re e KEK-ut kërkoi nga Qeveria e Kosovës investime për Trepçën.
“Kjo është një ngjarje e trishtueshme, dhe dua të shpreh solidaritetin tim me ju dhe familjet tuaja. Gjithashtu, është e rëndësishme që Qeveria e Republikës së Kosovës të ndërmarrë hapa të menjëhershëm në investime të përmirësuar në pajisje të punës për ju. Trepça Sh.A është një burim i rëndësishëm për ekonominë dhe mund të arrinte potencialin e plotë nëse pajiset me teknologjinë dhe pajisjet e nevojshme të kohës së sotme”, thuhet nga sindikata.
E shkak i këtij incidenti, Bahri Karaça u shkarkua nga pozita e drejtorit të minierës së Trepçës.
Në vendin e tij është emëruar Shyqri Sadiku, i cili për një kohë të gjatë kishte drejtuar Minierën dhe Sindikatën e Minatorëve.
