Një person është gjetur pa shenja jete në Prizren, shkruan teve1.info.
Zëdhënësi i Policisë për Rajonin e Prizrenit, Shaqir Bytyqi konfirmoi se kanë pranuar informatën se në ordinancën dentare “Kiseri Dent” në Shatërvan është gjetur një person i cili dyshohet se ka kryer vetëvrasje me varje.
Shaqiri bëri të ditur për teve1.info se me urdhër të prokurorit, trupi i pa jetë është dërguar në Institutin e Mjekësisë Ligjore në Prishtinë.
“Sot me datë 17.01.2025, rreth orës 10.37 është pranuar informata se në ordinancën dentare ,, Kiseri dent” e cila gjendet në sheshin Shatërvan, në Prizren, është gjet një person për të cilin dyshohet se ka kryer vetvrasje me varje. Nga mjekët e emergjencës është konstatuar vdekja e viktimës. Patrulla policore ka bërë sigurimin e vendit ngjarjes, në vendngjarje kanë dalë hetuesit dhe hetuesit e vendit të ngjarjes (forenzika) nga Sektori Rajonal i Hetimeve.Viktima është A.K. viti i lindjes 1970, mashkull.Pas përfundimit të kqyrjes së vendit të ngjarjes, me urdhër të prokurorit trupi I pa jetë dërgohet në Institutin e Mjekësis Ligjore në Prishtinë”, tha Bytyqi./teve1.info./