Një 45 vjeçare është gjetur pa shenja jete mesditën e së dielës në liqenin e Batllavës.
Lajmin për tëvë1.info e ka konfirmuar zëdhënësi i Policisë për rajonin e Prishtinës, Agron Borovci .
Borovci ka thënë se vdekjen e viktimës e ka konstatuar ekipi emergjent në vendin e ngjarjes.
Ai po ashtu ka bërë të ditur se policia në koordinim me prokurorin e shtetit ka nisur një hetim mbi vdekjen, si dhe është duke vazhduar punën për ndriçimin e plotë të rastit.
“Sot rreth orës 12:15, është pranuar informata për një trup të pajetë, në liqenin e Batllavës. Policia menjëherë ka dalë në vendin e ngjarjes si dhe mjekët emergjent të cilët kanë konstatuar se, viktima, femër, rreth 45 vjeç, është pa shenja jete. Aktualisht policia në koordinim me prokurorin e shtetit ka nisur një hetim mbi vdekjen si dhe po vazhdon punën për ndriçimin e plotë të rrethanave që karakterizojnë ngjarjen”, ka thënë Borovci./teve1.info/
