Një 57 vjeçar është gjetur pa shenja jete të mërkurën në bulevardin “Bill Klinton” në Prishtinë.
Zëdhënësi i Policisë për rajonin e Prishtinës, Agron Borovci për tëvë1.info ka thënë se vdekjen e viktimës e ka konstuar ekipi emergjent në vendin e ngjarjes.
Borovci po ashtu ka njoftuar se Policia tashmë ka nisur hetimet për zbardhjen e plotë të rastit.
“Rreth orës 18:15, është raportuar për një person të shtrirë në tokë në bulevardin “Bill Klinton” në Prishtinë. Policia menjëherë ka dalë në vendin e ngjarjes si dhe mjekët emergjent të cilët kanë konstatuar se personi, mashkull, rreth 57 vjeç, është pa shenja jete. Aktualisht policia ka nisur një hetim mbi vdekjen me qëllim zbardhjen e plotë të të gjitha rrethanave që karakterizojnë rastin”, ka thënë Borovci./teve1.info/
