Policia e Kosovës ka njoftuar se pas shikimit të vendngjarjes është vërejtur se bëhet fjalë për një granatë dore me ngjyrë të gjelbër, e vjetërsuar dhe e pa shpërthyer.
“Patrulla e policisë së stacionit policor në Kllokot menjëherë ka dalë ne vendin e ngjarjes dhe pas shikimit të vendit të ngjarjes, ka vërejtur se bëhet fjalë për një granatë dore me ngjyrë të gjelbër, e vjetërsuar, e pashpërthyer dhe e siguruar me sigurues. Menjëherë janë evakuuar banorët në një perimetër të nevojshëm dhe është siguruar vendi i ngjarjes”, thuhet ndër tjerash në njoftim.
Po ashtu, PK bëri të ditur se granata është tërhequr e pashpërthyer nga njësitet përkatëse.
“Në lidhje me rastin është njoftuar Prokurori i Shtetit, i cili ka urdhëruar që të iniciohet rasti ‘shkaktim i rrezikut të përgjithshëm’ dhe rasti të dërgohet në Njësitin e Hetimeve Rajonale për hetime të mëtejme”, thuhet në njoftim./teve1.info/
