Një burrë është gjetur pa shenja jete në mesditën e kësaj të shtune te penda e fshatit Livoq i Epërm.
Mesditën e sotme është gjetur pa shenja jete një burrë te penda e fshatit Livoq i Epërm.
Kështu ka bërë të ditur për teve1.info zëdhënësi i Policisë së Kosovës, për rajonin e Gjilanit, Valon Osmani.
“Me datën 15.06.2024 rreth orës 12:47 Stacioni Policor Gjilan ka pranuar informacion se tek penda e fshatit Livoq i Epërm një person mashkull i moshës madhor në murin e kësaj pende është i shtrirë dhe dyshohet se është pa shenja jete”, u shpreh Osmani.
Ndërkohë, ai ka bërë të ditur se në vendin e ngjarjes kanë dalë të gjitha njësitë relevante, hetues rajonal, forenzika rajonale, prokurori i shtetit, njësiti i zjarrfikësve dhe ekipi i emergjencës në Gjilan.
Ndërkaq, nga mjeku kujdestar në vendin e ngjarjes është konstatuar se personi është pa shenja jete.
Ai thekson se hetues rajonal në bashkëpunim me prokurorin e shtetit kanë ndërmarrë të gjitha veprimet hetimore në sqarim dhe ndriçim të rrethanave të rastit./teve1.info/
