Një shtetas i huaj është gjetur pa shenja jete të shtunën në banesën e tij në Prishtinë.
Sipas raportit 24-orësh të Policisë së Kosovës, vdekja e viktimës është konstatuar në vendin e ngjarjes nga ekipi mjekësor.
Me vendim të prokurorit, trupi i viktimës është dërguar në Institutin e Mjekësisë Ligjore për obduksion.
“Raportohet se në banesën e tij është gjetur pa shenja jete viktima mashkull shtetas i huaj. Njësit relevante dhe ekipi mjekësor kanë dalë në vendin e ngjarjes ku është konstatuar vdekja e viktimës. Me vendim të prokurorit, trupi i pa jetë është dërguar në IML për obduksion”, thuhet në raportin e Policisë.
