Një 70-vjeçar është gjetur i vdekur gjatë ditës së sotme në banesën e tij në Prizren.
Zëdhënësi i Policisë, Shaqir Bytyçi ka bërë të ditur për teve1.info se Policia është detyruar ta hap derën e banesës së viktimës me forcë, për shkak se kishte informacione se i njëjti ka probleme shëndetësore.
“Sot rreth orës 12:00 policia në Prizren është informuar se në rrugën “Hamit Thaqi” në Prizren, një person i moshës 70-vjeçare gjendet në banesën e tij dhe nuk përgjigjet në telefon. Policia ka marr informacione se i njëjti përveç moshës ka edhe probleme shëndetësore, andaj është vendos që të hapet dera me forcë. Dera është hap nga zjarrfikësit dhe brenda banesës është gjet personi pa shenja jete, në trupin e viktimës e as në banesë nuk vëreheshin shenja dhune”, ka thënë Bytyqi.
Sipas Bytyçit, pasi që janë kryer ekzaminimet në vendngjarje, me urdhër të prokurorit trupi i pa jetë është dërguar në Institutin e Mjekësisë Ligjore në Prishtinë për ekzaminim. /Teve1.info/