Një person është gjetur i vdekur në banesën e tij në “Lagjen Arbëria” në Prishtinë të dielën.
Rasti është konfirmuar nga Policia e Kosovës.
Flora Ahmeti zëdhënëse e Policisë për rajonin e Prishtinës ka thënë për teve1.info se informatën e kanë pranuar rreth orës 18:00, ndërsa vdekjen e personit i gjinisë mashkullore (1983) e ka konfirmuar ekipi mjekësor.
“Sot rreth orës 18:00, kemi pranuar informatën për një person pa shenja jete në një banesë në lagjen Arbëria në Prishtinë. Viktimë në këtë rast është një mashkull (1983), vdekjen e të cilit e ka konstatuar ekipi mjekësor në vendngjarje. Hetuesit policor në koordinim me prokurorin po ndërmarrin të gjitha veprimet e duhura që do t’i kontribuonin hetimit të ngjarjes”, ka thënë ajo.
