Një person ka deklaruar në Polici se fqinjën e tij e ka gjetur të vdekur në shtëpinë e saj në fshatin Reçan të Prizrenit.
Dëshmitari ka thënë se viktimën nuk e kishin parë që dy ditë dhe së bashku me disa fqinjë kanë hapur derën e shtëpisë dhe e kanë vërejtur pa shenja jete.
Policia në raportin ditor ka bërë të ditur se njësia policore ka dalë në vendin e ngjarjes, ndërsa ekipi mjekësor e ka konstatuar se trupi i viktimës është pa shenja jete, raporton teve1.info
Ndërkaq, me vendim të prokurorit trupi i viktimës është dërguar në IML për obduksion.
Ngjarja ka ndodhur dje rreth orës 19:10, ndërsa rasti nga Policia është cilësuar “Vdekje e dyshimtë” dhe është ende duke u hetuar.
