Policia e Kosovë ka bërë të ditur se është gjetur lëndë narkotike, që dyshohet të jetë marihunë në sasi 1.5-2 kg , në veturën e të dyshuarit, i cili kishte goditur një polic dhe veturën zyrtare në Suhodoll në veri të Mitrovicës.
Policia ka bërë të ditur se është duke hetuar rastin dhe do të merr veprime për arrestimin e të dyshuarit i cili ka arritur të ikë nga vendi i ngjarjes.
“Drejtuesi i automjetit (i dyshuari), ka arritur që të dalë nga vetura dhe të ikë në drejtim të panjohur. Në veturë është gjetur lëndë narkotike, dyshohet të jetë marihuanë (1,5 deri në 2 kg). Njësitet policore, përfshirë zyrtarë nga Njësia për Hetimin e Trafikimit me Narkotik kane dalë në vendin e ngjarjes.Policia janë duke e trajtuar rastin dhe në koordinim me organet e drejtësisë do të ndermirën veprimet për të zbardhur këtë rast dhe arrestuar personin e dyshuar”, thuhet në komunikatë, përcjell teve1.info
Policia ka bërë të ditur se ky i dyshuar nuk kishte respektuar urdhrin për ndalesë dhe se me veturën e tij, ka goditur një zyrtarë policorë i cili ka pësuar lëndime dhe automjetin zyrtarë.
Sipas komunikatës, drejtuesit e rendit janë detyruar të gjuajnë me armë zjarri në këtë situatë pas jeta e tyre ka qenë e rrezikuar. Ndërsa bëhet e ditur se nga gjuajtja nuk ka pasur të lënduar.
“Zyrtarët policorë gjatë realizimit të detyrave të tyre,sot rreth orës 12:40 në fshatin Suhodoll- Mitrovicë Veri, gjatë tentimit përtë ndaluar për kontroll një veturë të dyshuar, drejtuesi i veturës nuk ka ndaluar dhe me veturë ka sulmuar-goditur një zyrtar policor dhe po ashtu një veturë të policisë. Të ndodhur në këtë situatë kur seriozisht ishte e rrezikuar jeta e zyrtarëve policorë, zyrtarët për të mbrojtur jetën dhe vënë situatën nën kontroll, janë detyruat të përdorin armët e zjarrit”, thuhet nga Policia.
Policia e Kosovës përballet shpesh me raste të tilla ku shoferët e veturave të cilët në shumicën e rastëve bartin mallra të kontrabanduara apo ilegale nuk respektojnë urdhrat e policëve.
