Komisioni Qeveritar për Persona të Zhdukur, njofton se kanë hasur në mbetje mortore që potencialisht mund të jenë persona të zhdukur, në Prekaz të Skenderajt.
“Kemi hasur në mbetje mortore/eshtra, potencialisht të personave të zhdukur, në Prekaz, Skenderajt. Pas gërmimeve në lokacionin Arbanë, Prizren, sot gjatë ditës, ekipet e Komisionit Qeveritar për Persona të Zhdukur, Institutit të Mjekësisë Ligjore dhe Drejtorisë së Policisë për Hetimin e Krimeve të Luftës, kanë vazhduar gërmimet edhe në lokacionin e varrezave në fshatin Prekaz, Skenderaj. Pas disa orë gërmimeve, ekipet kan hasur dhe zhvarrosur mbetje mortore (eshtra) të viktimave që mund te jetë në Listën e Personave të Zhdukur”, thuhet në postimin e tyre në Facebook.
Njëherit, kanë bërë të ditur që gërmimet po vazhdojnë ende dhe do të njoftojnë pas rezultateve të ADN-së për identifikimet e mundshme të këtyre trupave./teve1.info/.
