Shoqata e Kosovës për Kërkim-Shpëtim ka njoftuar se motoristët që kishin humbur rrugën në afërsi të qytetit të Shtërpcës janë gjetur.
Sipas njoftimit, pas pranimit të thirrjes për ndihmë, ekipet janë aktivizuar menjëherë dhe kanë nisur kërkimin në zonën malore ku ishin raportuar për herë të fundit.
Pavarësisht terrenit dhe kushteve thuhet se motoristët janë lokalizuar dhe asistuar deri në kthimin e tyre të sigurt.
“Shoqata falënderon të gjithë ata që kontribuan në këtë operacion. Ne mbetemi të përkushtuar për t’iu përgjigjur çdo thirrjeje për ndihmë dhe për të garantuar sigurinë e qytetarëve në raste emergjente”, thuhet në njoftim.
Shoqata e Kërkim-Shpëtimit dhe Policia nisin operacion për gjetjen e 4 motoristëve në Shtërpcë
